DEFINISAUN BADAK KONA BA SIÉNSIA TEKNOLOJIA NO MULTIMEDIA

DEFINISAUN SIÉNSIA TEKNOLOJIA NO MULTIMEDIA :

Siénsia Teknolojia no Multimedia hanesan área de estudu ne'ebé foka liu ba dezenvolvimentu teknolójiku no kriasaun konteúdu vizuál no audivizuál. Siénsia teknolojia envolve estudu sistematiku kona-ba teknolojia sira, inklui komputasaun, nanoteknolojia, no bioteknolojia, atu kria solusaun inovativu no teknolojia avansadu. Enkuantu multimedia ajuda ita atu halo kriasaun no kombinasaun elementus vizuál, áudivizual sira, hodi kria konteúdu interativu iha kualkér aprezentasaun dinámiku, no variadu inklui imajen, vídeo, animasaun, no áudio. No mos bele implementa meius sira ne’e iha dezenvolvimentu aplikasaun, web, arte, edukasaun, no entretenimentu. Integrasaun entre siénsia teknolojia no multimedia kontribui ba dezenvolvimentu teknolójiku no kriasaun konteúdu inovativu iha mundu modernu.

SIÉNSIA TEKNOLOJIA:

- Siénsia teknolojia maka materia ne’ebe fasilita ita nia estudu sira, hodi aplika konesimentu sientífiku atu dezenvolve solusaun inovativu, produtu teknolójiku, no teknika sira atu rezolve problema sira.

- Iha siénsia teknolojia, peskizadór sira utiliza metodu sientífiku hodi halo kriasaun no deskobrimentu ba buat foun sira ligadu ho utilizaun teknolojia hanesan iha area robotika, komputasaun, bioteknolojia siberseguransa no seluk-seluk tan.

ü    Robotika: Robotika mak área ne'ebé estuda dezenvolvimentu no uzu robot sira. Robot sira mak aparátu automatizadu ne'ebé bele realiza tarefa sira ho mínimu intervenção umana.

ü  Komputasaun: Komputasaun mak área husi teknolojia ne'ebé relasiona ho dezenvolvimentu no uzu komputador sira. Ida-ne'e inklui programasaun, dezenvolvimentu aplikasaun, no teknika sira atu rezolve problema sira ho útilizasaun komputador.

ü  Bioteknolojia: BioteKnolojia utiliza prinsípiu sientífiku atu manipula organizaun sira no sistema biolójiku hodi kria produtu sira ho benefísiu ba saúde, agrikultura, no meio ambiente.

ü    Siberseguransa: Siberseguransa mak pratika no teknolojia sira atu asegura seguransa no privasidade iha ambiente online, inklui prevene atake sibernetika no proteje dadus sensível.

 MULTIMEDIA:

- Multimedia refere ba kriasaun no kombinasaun elementu vizuál, audivizuál, hodi kria konteúdu interativu sira ne'ebé diversifikadu no aprezentasaun dinámiku.

- Multimedia bele inklui imajen, vídeo, áudio, animasaun, no interatividade ne'ebé bele utiliza iha dezenvolvimentu aplikasaun, web, edukasaun, arte, no entretenimentu sira.

Atu hetan materia sira kompletu liu-tan bele vizita fonte sira husi universidade, instituisaun edukasaun, no entidade relevante sira atu hetan informasaun atualizadu no detallu kona-ba área Siénsia Teknolojia no Multimedia.