DEFINISAUN METODOLOJIA PESKIZA KUALITATIVU, KUANTITATIVU NO R&D (RESEARCH AND DEVELOPMENT)

DEFINISAUN METODOLOJIA PESKIZA KUALITATIVU, KUANTITATIVU NO R&D  (RESEARCH AND DEVELOPMENT) 

    Uza Métodu Metodolojia peskiza kualitativu, kuantitativu no R&D atu investiga no halibur dadus iha área sira ne'ebe interese. Métodu sira ne'e, ida-idak iha ninia objetivu rasik no dalan oioin.

1. Metodolojia Kualitativa:

    Metodolojia kualitativa foka liu ba kompriensaun no análize kona-ba fenomenu no bazeia ba kriteriu "kualidade" informasaun. Utiliza metodolojia kualitativa hodi aprosimasaun subjetivu atu komprende kle'an kona-ba tópiku sira. Bele haree ezemplu balu hanesan tuir mai ne'e :

• Entrevista Qualitativa : Halibur dadus husi entrevista ho ema atu komprende sira-nia opiniaun, esperiénsia, no perspetiva kona-ba tópiku ruma.

• Observasaun Partisipativa : Observa no partisipa iha atividade sira atu kompriende tópiku sira husi partisipante sira-nia perspetiva.

• Analiza Konteúdu : Analiza dokumentu, notísia, ka tradusaun entrevista atu kompriende modelu no tema sira.

2. Metodolojia Kuantitativa:

    Metodolojia kuantitativa foka liu ba dadus no kriteriu numeriku sira hanesan "kuantidade" no mos ba asuntu oioin. Metodolojia kuantitativa uza aprosimasaun objetivu ida atu kria dadus kuantitativu. Bele haree ezemplu balu hanesan tuir mai ne'e :

• Survey Kuantitativu : Halibur dadus hosi kria pergunta sira ne'ebé bele hatán ho opsaun numeriku, atu bele hala'o análize estatístika.

• Kontrolu Experimentu : Estuda kona-ba relasaun kauza entre variavel sira no utliza kontrolu ba fatór sira seluk.

• Analiza Estatístika : Utiliza instrumentu estatístiku atu analiza dadus numerikus, hanesan análize deskrisaun, regresaun, no análize variasaun.

3. R&D (Research and Development) : 

    R&D mak área ida iha peskiza ne'ebé foka liu ba dezenvolvimentu no inovasaun. Metodolojia R&D bele inklui aprosimasaun kualitativu sira hanesan entrevista peritu sira kona-ba teknolojia foun, no análize sientifika uza métodu laboratóriu atu koko no dezenvolve prototípiu sira, nune'e mós aprosimasaun kuantitativu sira atu analiza poténsia merkadu no dezempeñu finanseiru.

Ezemplu konkretu balu kona-ba utilizasaun métodu ba kada kategoria :

• Metodolojia Kualitativa : Se kompañia IT ida hakarak hatene sira-nia utilizadór nia asaun no preferénsia kona-ba software foun ne'ebé sira dezenvolve  hela, intervista utilizadór no halo observasaun iha tempu reál hodi bele ajuda sira atu komprende asuntu importante sira liga ho sira-nia kliente.

• Metodolojia Kuantitativa : Se empreza ai-han ida hakarak hatene konsumu produtu ne'ebé ki'ik liu iha merkadu. Tenki halo peskiza ho ema barak hodi bele ajuda sira atu komprende preferénsia no volume konsumu, hodi dezenvolve estratéjia marketing.

• R&D : Se laboratóriu farmasekutiku sira sei hala'o peskiza ba dezenvolvimentu ba ai-moruk foun sira. Sira sei uza prototípiu, esperiénsia laboratóriu, no análize estatístika hodi determina efikásia no seguransa husi ai-moruk foun ne'ebé sira dezenvolve.

    Nota : Kada metode iha sira nia vantajen no limitasaun, no depende ba kontestu peskiza no objetivu sira, peskizadór sira bele uza kombinasaun metode sira atu hetan rezultadu sira ne'ebé komprensivu no folin-boot.